ما هذا يا وطني ..!!

[مصفق الورعان]

.
.


الســـلام عليكم ورحمه الله وبركاته ..!!

.
.

يقول المثل .. ( إذا ما كنت ذيب .. حط عفشك في كرتون تايد و نم على عتبة المسجد ) ..

في ليلة من ليال الصيف البارده .. ودرجه الحراره تكاد تصل إلى الخمسين درجه مؤيه ... و أنا في طريقي للأستراحه بعد ما ضربت لي تيس مندي ولحقته بكم كرتون لبن صافي .. كان الجو هادئاً و القمر ماداوم .. و الشمس ماخذتن مكانه للتمويه .. ووجه عتاب (حبيبتي) لا يفارقني .. وكل هذه الأجواء الربيعية ما كانت إلا أن تنم عن مصيبة قادمة في الطريق ..!!
قلبي كان يدق بسرعة ..و مع ازدياد دقات قلبي خبط المخ .. وصرت أتنفس مع عيوني و أشوف مع أذاني .. و ما دريت إلا أنا حاضن ذيك الماصورة (ماصورة كهرب) .. و أنعجن بوسط السيارة (مازدا بوكس) .. وفي غمضه عين إلا الشعب السعودي كله عند الحادث (مدري وش دراهم) وصاروا هالمشافيح يتوافدون على الحادث .. ولا واحد منهم تبرع إنه يطلعني من السياره (الله لا يبارك في طاش) .. وأنا اشوف هالعالم كنهم في ملعب حاضرين مباراة نهائية بين نادي سـدوس و ريال مدريد .. ويجي المرور .. وعيوا يطلعوني من السياره اللين اوقع على دفع غرامة الماصوره .. ويجي الدفاع المدني و سيارة الإسعاف .. وتصير خبصه ما بعدها خبصه ..الدفاع المدني جالس يقص التنده .. المرور يحاول يطلع يدي عشان يبصمني على الغرامه ..!!
تصدقون توني اكتشف إن شعبنا شعب غريب .. و الله ياعليهم فقش و نصب عيني عينك ..أجل واحد من هالمشافيح يسأل كيف صار الحادث .. يرد ثاني ويقول إنه كان يفحط و مارده إلا عامود الكهرب .. ويجلس يناظرني ويضحك .. و أنا ودي ألعن والديه بس خلهم يطلعوني .. بعد مرور خمس ساعات على الحادث .. (بغيت أموت فيها بسبب إن راسي كان تحت ابطي .. وأنواع الكوارث صارت لي) .. قدر الدفاع المدني إنه يقص التنده و أخذ شوي من شعري .. و يجونك الشعب بيفزعون على حد زعمهم .. إللي يسحبني من رجلي .. وإللي ماسك شعري .. كل هذا عشان خشمي نشب في فتحة شريط المسجل .. وبعد ما يأسوا .. قرروا إنهم يفكون المسجل .. و بكذا قدروا إنهم يطلعوني من السياره ..!!
ورموني على الأرض .. و أنا غارق في دمائي .. و المرور رفض يركبني سيارة الأسعاف أللين أبصم على الغرامه .. و يوم جاب الورقه عند عيني .. وإلا أشوف قيمة الغرامه خمسين ألف ريال .. و أجلس أرافس برجلي (بزعمي إني بأموت) .. قال الجندي و الله لو تموت إن ما تقبر إلا بعد دفع الغرامه .. وهو إللي يمسك راسي من شعري و يجيب السطمبه و يمحط بخشمي عليها و يجيب الورقه و يختم عليها بخشمي (على حد زعمه إن خشمي تسنه ختم .. وبعدين هو العلامه الفارقه الوحيده إللي مستحيل تتزور) ..!!



ما يستفاد ...!!

لا تسوي لي فيها إنك تحب ... و تلقاك مشغل شريط راشد الماجد الجديد وضايع معه ..!!
إذا كنت ناوي تسوي حادث .. إطلع من السعوديه و سوه برى .. وربي ما ينفعك أحد ..!!
وربي عندنا دفاع مدني مدري وش يبي ... اجل تجي الفرقه لبيت يحترق و ما معهم مويه ..!!
.
.

تحياتي للجميـــع ..!!

[βronž]

هــلا والله مـصفق غلا6

يشرفني كونك اول المشاركين في المسابقه

ان دل دل على ابداعك وتميزك ..

ماهذا ياوطني ..!! غلا6

مخطوطه رائعه من حيث الفكره

وايظن الاسلوب شيق وممتع للغايه غلا6

اشكرك جزيل الشكر غلا6
..

[『 ĄĻ Ŗαi8 』]

حتـى بالعـام مواضيعـك ( رجـه ) غلا15

انا بصراحـة أهم شي استفـدت


لا تسوي لي فيها إنك تحب ... و تلقاك مشغل شريط راشد الماجد الجديد وضايع معه ..!!


غلا15

موفــق مصفــق .. :) ضقلب

[مصفق الورعان]

.
.


هــلا والله مـصفق غلا6

هـلا والله بــرونــزيــه غلا6

يشرفني كونك اول المشاركين في المسابقه

ويشرفني اني اشارك في مسابقه تحت اشرافك :)

اشكرك جزيل الشكر غلا6

لاشكر على واجب وهذا اقل شي نقدمه لهذا الصرح الشامخ :blush-anim-cl:
وشرفني تواجدك وحضورك الكريم يالغلا ..!!

.
.

[مصفق الورعان]

.
.
هـلا وغــلا بالغالي خالد الرايق غلا6

حتـى بالعـام مواضيعـك ( رجـه ) غلا15

وش نسـوي قلنا خلنا نغير شوي من الوك < احلى يارومنصي غلا2

انا بصراحـة أهم شي استفـدت

هــذا هــو اهم شي انك استفدت يالدب:pb027:

لا تسوي لي فيها إنك تحب ... و تلقاك مشغل شريط راشد الماجد الجديد وضايع معه ..!!

ايه مو تشغل راشد ومسوي فيها قيس وتارك الطـاره في مهب الريح واخرتها ماصوره مع وقف التنفيذ:pb034:


موفــق مصفــق .. :) ضقلب

يصلمك ربي ويعطيك العافيه وشرفني تواجدك وحظورك الكريم :)
.
.

[صِبا نجد]

بالتوفيق اخوي!!

موضوع حلو بأسلوبك المرح!!


وللأسف هاذا واقعنا اللي احنا نعيشه والمشكلة مستحيل يتغير!!


اهم شي يبي بصمتك عشان تدفع!!


حتى بالمخالفات مايصدقون لوحة وسيارة جديده على طول مخالفة !!


ويعطيك الف عافية !!

[مصفق الورعان]

بالتوفيق اخوي!!

موضوع حلو بأسلوبك المرح!!


وللأسف هاذا واقعنا اللي احنا نعيشه والمشكلة مستحيل يتغير!!


اهم شي يبي بصمتك عشان تدفع!!


حتى بالمخالفات مايصدقون لوحة وسيارة جديده على طول مخالفة !!


ويعطيك الف عافية !!


.
.

اهلين خيتو .. دلوعتك ..!!
يعطيك العافيه ومشكورهـ ..!!
وشرفني تواجدك وحظورك الكريم ..!!
ولايهون تعليق حظرة جنابتك الجميل ..!!
وردك المتفق مع حظرة جنابتي انـــا غلا7

.
.
ولاعدمناك ..!!

[سوالف ليل ..!!]

هــــلا والله مصـــفق

مــوضوعك رايق اخـــوي

و مهم والله لما قاعدين نشوفه من ضحايا السيـــارات ..

الله يكافينا و يكافيكم الشــــر ..

لا عدمنــاك اخوي .

[مصفق الورعان]

هــــلا والله مصـــفق

مــوضوعك رايق اخـــوي

و مهم والله لما قاعدين نشوفه من ضحايا السيـــارات ..

الله يكافينا و يكافيكم الشــــر ..

لا عدمنــاك اخوي .

.
.

هــلا وغــلا اخـــي .. ســــوالف ليـــل ..!!
يعطيك العافيـــه يالغـــلا ومشكــور ع تواجدك وحظــورك الكريم ..!!
وفعـلا هذا مشكــله موجــوده وبكثر في وطننا الحبيب وهــو التجمهـر حـول الحادث ..!!
والي قاهرني النصب عيني عينك الي يقــول يفحط وصدم في الماصــورهـ ..!!
والي يقــول قاطع الاشــارهـ وهــو ماشاف الحادث كله بس يبي يوصل معلومه حق الي يسئل غلا2
وهـذا مشكله يعاني منها كل من يتجمهر عند الحــوادث ..!!
ولاتنســى ربعنا الدفاع المدني البيت يحترق وهم توهم ماوصلووو الموقع ولا وازيدك من الشعر بيت
بعد مايجون تلقاهم ناسين الخرطوش حق المويه :bp046:
وهذا برضو ذكرتني بشخص اتصل ع الدفاع المدني عشان محله احترق اخذ ساعتين ماوصلوو والمحل راح فيها بعدها اتصل عليهم مره وقال .. ( خــلاص كنسلو الطلب الي قبل اشــوي ) .. غلا15
ومانقــول غيــر ..( ماهــذا ياوطني ) ..!!

.
.
ولاعدمناك ..!!

[ملتاع]

ولحقته بكم كرتون لبن صافي

متأكد انه لبن صافي

هع هع هع

موضوع هادف تسلم مصفق لاعدمناك

والشئ بالشئ يذكر

واحد من اصحابنا وقف ورا سيارة خربانه وماتشتغل من فترة

المهم جاء واحد ووقف وراه حيل يعني مايقدر يطلع

الرجال محترم ومايبي مشاكل مع جاره الاقشر بلغ المرور

على اساس يجون يسحبون السيارة ويوم وصلوا للموقع

وفهمهم صاحبنا الموضوع اتصلوا على ضابطهم باللاسلكي

وقالوا الظاهر ان بين المدعي والمدعى عليه مشاكل وهالشئ

مايخصنا فقال ضابطنا المحترم قولوا له يراجع الشرطة وقفلوا المحضر

هههههههههههههههههههه

وفي الاخير صاحبنا المحترم شبك الصدام في الصدام وصدم السيارة وطلع

هههههههههههههههههه

الحاصل اللي ماتطوله بلسانك تطوله بذراعك

ملتاع

[مصفق الورعان]

.
.

هـلا وغــلا بالغالي .. ملتــاع ..!!
يعطيك العافيه ويسلمك ربي ..!!

متأكد انه لبن صافي

متاكد ونص حتى من صفيه اشوف الكاس من الجهه الثانيه غلا15
واحد من اصحابنا وقف ورا سيارة خربانه وماتشتغل من فترة

المهم جاء واحد ووقف وراه حيل يعني مايقدر يطلع

الرجال محترم ومايبي مشاكل مع جاره الاقشر بلغ المرور

على اساس يجون يسحبون السيارة ويوم وصلوا للموقع

وفهمهم صاحبنا الموضوع اتصلوا على ضابطهم باللاسلكي

وقالوا الظاهر ان بين المدعي والمدعى عليه مشاكل وهالشئ

مايخصنا فقال ضابطنا المحترم قولوا له يراجع الشرطة وقفلوا المحضر

هههههههههههههههههههه

وفي الاخير صاحبنا المحترم شبك الصدام في الصدام وصدم السيارة وطلع

هههههههههههههههههه

الحاصل اللي ماتطوله بلسانك تطوله بذراعك

سلملي عليه وفعلا الي ماتطوله بلسانك تطوله بذراعك غلا15

وهذا الي حاصل للاسف ولاكن مانقــول غير ..( ماهذا ياوطني ) ..!!

.
.
لاعدمناك يالغلا ..!!

[Ŗ ể Đ]

ماهذا ياوطني غلا15

صدق وش هالوطن < الله يخليه لنا ويخلي لنا الملك < خافت غلا4

موضوعك رائع صفووق صراحه استمتعت وانا اقراه فله غلا8

يعطيك العافيه وكثر لنا من هالزين غلا6

[مصفق الورعان]

.
.

هـلا وغــلا بالغاليـه .. حمــراويه ..!!
اولا الحمدالله ع سلامتك وماتشوفي شـر يالغلا ..!!
وثانيا يعطيك العافيه ع تواجدك وحظورك الكريم ..!!


صدق وش هالوطن < الله يخليه لنا ويخلي لنا الملك < خافت غلا4

غلا15 نعم نعم الله يخليه لنا ويخلي لنا الملك غلا8

موضوعك رائع صفووق صراحه استمتعت وانا اقراه فله غلا8
يعطيك العافيه وكثر لنا من هالزين غلا6


حظــورك الاروع وجعله دوووم يارب غلا7
.
.

[بنت ديرة بو متعب]

والله مدري اضحك او ابكي ..

اسلوبك أخوي مصفق وربي موتني من الضحك وكل موقف ضحكت عليه من القلب ...:pb027:

والله فعلاً الواحد يموت والناس تتفرجوالمرور والدفاع والاسعاف تلاقيهم يمشون على قشر بيض

او مضيعين المكان ...

اقول ياشباب شوي شوي وبلاش سرعه انتبهوا لحالكم ...:drive1:

واذا صار مستوى دفاعنا :busted_cop:زي البرنامج اللي كان زمان يجي بالقناة الثانية 911

ذاك الوقت لاتخاف على عمرك ...

وبعدين يامصفق الله يهديك كان لزقت بصبه لازم تكشخ وتلزق بعامود ...

وكهرب كمان مره ثانية شوف لك ماصورة موية عشان تلطف الجو شوي الحر ذابحنا .....

والحمدلله عالسلامه ولاتعودها ....

[مصفق الورعان]

.
.

اهلين اختي .. بنت ديــرة بومتعب ..!!

والله مدري اضحك او ابكي ..
والله هــذا عاد مشكتك مو مشكلتي انا :dunno:
اقول ياشباب شوي شوي وبلاش سرعه انتبهوا لحالكم ...:drive1:
ايه ايه انا كنت امشي بسرعه 110 كيلو بساعه وكنت مطبق المثل الي يقـول ..في التئني الندامه والعجله السـلامه < فاهم المثل غلط غلا2
واذا صار مستوى دفاعنا :busted_cop:زي البرنامج اللي كان زمان يجي بالقناة الثانية 911
ذاك الوقت لاتخاف على عمرك ...
هذا اذ صــار دفاعنا مطبقينا بس المشكله انهم طبقو اذ لم تسجل هدف سجل في مرماك هـدف < برضو فاهم الموضوع غلط :icon1366:
وبعدين يامصفق الله يهديك كان لزقت بصبه لازم تكشخ وتلزق بعامود ...
الله يهدي الجميع بس انا وش دخلني الشرهه على العامود ليش يجي قدامي < لابارك الله في هالبن غلا8
مره ثانية شوف لك ماصورة موية عشان تلطف الجو شوي الحر ذابحنا .....
وليه هــو بقى فيه مــره ثانيه وكمان ماصــوره مويه عشان يبصموو بلساني ويقولوو طلع المويه الي شربتها غلا15
والحمدلله عالسلامه ولاتعودها ....
الله يصلمك ويصمنك < هذ كيف تجي :harhar1:

[شحرورة]

بارك الله فيك على الموووضوع
ننتظر المزيد

[مصفق الورعان]

^
اهلين خيتوو .. شحرورة ..!!
يعطيك العافيه ومشكوره ..!!
وشرفني تواجدك وحظورك الكريم ..!!

.
.
ولاعدمناك ..!!

[بانوراما!!!]

شكرا

[هنوود]

اجل تجي الفرقه لبيت يحترق و ما معهم مويه

هههههههههههههههههههه

شي عادي انها تجي ومامعها مويه ..الغريب بل العجيب

انها تجي سيارات الدفاع المدني وهي مجهزة بكامل تجهيزاتها

فيه 2 من أقاربي بنات شابات ماتتا للأسـف> بعد أمر الله << ثم .... بسبب

الدفاع المدني .....احترق البيت وبعد ماوصلوا ويبون يطفون الحريق ..مالقوا

مويه ....تخيلوا ........مافيه موووووويه .,وربي ويشهد علي بهالكلاام انهم

ماجهزوا ولا شي ..مع انهم عارفين انه فيه حريق والبيت كبير وفيه أطفال .

بس يلا رحمة ربي أوســع .

وصحيح مثل ماقالت بنوتة ..نبكي والا نضحك

بس اقول (( شر البلية ما يضحك ))

وقيل قديمــا

(( يا أمــة ضحــكت من جهــلهــا الأمـــــــــــــــــم ))

ابدعـــت اخي .

[لموووسه]

هلا وغلا اخوي مصفق

اولا حابة اشكرك ع اسلوبك الفكاهي في سرد الموضوع

والله مت من الضحك لكن مغزى القصة فوقني

هذا هو واقعنا للأسف بس الله يستر علينا

كل الدول تطور الا احنا دايما اخر ناس في التطور في كل شي

يعطيك العافية اسجل اعجابي بشخصيتك المرحة .... لاعدمناااااااااك

تحياتي

[الماسي احلى ناسي]

وش هذا الابداع يا مصفق :bp042:


°ˆ~*¤®§(*§*)§®¤*~ˆ°أنت شيق شي حلوووووووووووووووووووووو منك°ˆ~*¤®§(*§*)§®¤*~ˆ°


تسلم نبي المزززززززيد يا قمر

:bp042::bp042::bp042:

[الامبراطوره]

شكراااااااااااااااااااا احلى من العسل موضوعك

[THE CR!M!NAL]

مشكور على الموضوع(( الوطني)) مصفق الورعان

[ولد الخير]

السلم علكم
كيفكم

[ولد الخير]

شكرا

[ولد الخير]

ماتقول

[الامبرطول]

السلام عليكم

[سما السهلي]

يسلمو على الموضوع
بصراحه ذوق والله

[سما السهلي]

وعليكم السلام